كلمات البوم رابــــــــــــــــــــــح 2008

جديد و حصرياً
كلمآت الفنآن الكبير ( رآبــح صــقــر )


في البومـه الجديد

الذي سوفـ ينزل في الاسوآقـ في الأيآم، القآدمـه

وهذي كلمآت الأغآني

ارجوآ إنهآ تعجبكمـ ...



7
7
7

إحساس
كلمات الأمير / فيصل بن خالد بن سلطان
ألحان / رابح صقر
احسـاس ما حسيت فيـه بحياتي ولا طرالي مثـل هذا على البـال

كلمني أكثر عنك وأتـرك سكاتي بتأملك وأتخيلـك أجمـل آمـال

انـت الهنا وانت العـنى وامنياتي ويازين هالصدفة على كل الأحوال

لقيـت فيـك انـت قربي لذاتي تقـرب لقلبي بالنوايـا والافـعال

ماضيك يشبـه بالألـم ذكرياتي والحين نفس الحظ والجرح والفـال

طبايعك طبق الاصل من صفـاتي أهـم شي الصدق فيـني ولا يزال

أمشي ولا أدري وين قبلك جهاتي مـن جيتني والدرب موعود بوصال

طاريك يجمعني وينهـي شتاتـي مشاعري لـك شوق والبـال ميال

أنـا بقلبي شـي وش السـواتي ودي أقولـه بـس وشلـون ينقال

الحـب مايستأذنـك يا حيـاتي يلحق علـى راعيه بالصبر لـوطال

آخر الأخبار
كلمات / سعد الخريجي
ألحان / صالح الشهري
آخـر الأخبـار خلـي ما يبـني
علموني النـاس عن نيـة خصامـه
كنت أظنه قـّدر الإخلاص فيـني
ياحسافـه باعـني وغـير كلامـه
مـرت الأيـام والذكرى تجيـني
واعترف عندي تـرى عالي مقامـه
أتعجب وايش حـصل بينه وبيـني
ما غلطت ولا حصل مـني ملامـه
جـدد الأحزان في قلـبي وعيـني
وصرت أعاني وأشتكي جرح الندامه
سامحوني إنطفـت شمعـت حنيـني
كـل عاشق يملك احـساس الكرامه
أدري إنه بالمـحبـة مشـتريـني
ليش صـار اليـوم باخـل باهتمامه
أتحـدى فـي جـميع العاشقيـني
مثـل خلـي في دلالـه وابتسامـه

أزعليك عليك
كلمات / العـاليه
لحن / ســهم
أزعـل عليك ألفـين مره مـن غلاك
مليـون مـره يـوم تنكـر غلطتـك
قلـي خطيـت بـدون مـادور وراك
موحلوه ألقـاها وتخـرب صورتـك
أزعليك عليك وكنت أعدي من غلاك
ياكـثر ماتـغاضى وأسايـر خـيبتك
لا تحسب إنـي غافـل ومانـي معاك
صدقـني أدري قـبل تفعـل فعلتـك
أزعـل عليك وحيـل يهزمني هـواك
يومـك تناظـرني وأحـس بعبرتـك
تقول لي آسـف وأحسب الله هـداك
ترجـع وتعملـها علي وش قصتـك
أزعل عليك وذاك يزعـل مـن هذاك
والكل يخطي وأنـت شايـف دنيتـك
ما قلـنا لا تخطـي ولا قلـنا مـلاك
بـس إعترفلي يـوم تعـمل عملتـك

عشق الأرض
كلمات / نواف بن فيصل ( أسير الشوق )
ألحان / رابح صقر
كل طيب الدنيا فيـنا وكل عشق الأرض فينا
وكل ما فيـنا محبـه واللـه لا يغير عليـنا

يا دفـاي بعز بردي يا شقاي إن زاد وجدي
يا بعد روحي وبعدي إيـه ورب العـالميـنا

ما تغيرت وظـروفي تشهد وتشهـد حروفي
طبعنا نكرم ونـوفي ونشتـري من يشترينا

ماعليـنا بالعـواذل همهـم تحصيل حاصل
لو يعملون العمايـل عنهـم لا مـادريـنا

رافعين الراس رايـه حبـنا فـوق الوشايه
والزعل ماهو نهايـه ولو يموت الحاسديـنا

تزاعلنا
كلمات / منصور الشادي
ألحان / صالح الشهري
تـزاعـلـنـا تـصالحـنـا
نـسـوي اللـي يـريحـنـا
يا عالـم بـس وش فــيكم
كـأن مـافـيـه إلااحـنـا

تعبـنـا بـسكـم غـيـره
أمانـه فـضوهـا السـيـره
تــرى مهـمـا تخـاصمـنا
نـرجـع ما نـروح ديــره

سمانـا اشـواق فـي أشـواق
نحـس بنـشـوة العـشـاق
وكـل أوقـاتـنـا نـدعـي
عسـى الله لايجـيـب افـراق

أنــا ومحبـوبي متـصافـين
بدنـيا الحــب مبـسوطـين
رضيـتوا واللـى ما تـرضون
ماحـنا عنـكم بـداريــن

تكلمنا
كلمات / سامي الجمعان
ألحان / أحمد الفهد
تكلمنا بحسـن نيـه ماندري عـن نواياهـم
خـطا ظنـينا كـل الناس يحبوني ويحبونك
حسبنا النـاس تهوانـا مثل ما احنا نهواهـم
أثاريهم مـن الغـيره يحسدوني ويحسدونك
محـد جـانا وعلمنا انـا ويـّاك شفناهـم
هدفهم أفقدك وأبقى حياتي كلها ابدونـك
ترى أكبر دليل اللي حصل بالامـس وياهـم
ما شفت اعيونهم ترسل سهام الغيره لعيونك
خساره تنصدم في ناس فرشت الدرب لخطاهم
وهم بارخص تراب الأرض يبيعوني ويبيعونك
أنـا أسأل عن العشره وأفتش في هداياهـم
تجاوبني وهـي تبكي اهـم كانـو يغشونك

عيدي مبارك
كلمات الأمير / فيصل بن خالد بن سلطان
ألحان / رابح صقر
عيـدي مبـارك فـيك ياعيد الأيـام
وحلوه سنيني فيـك يا عيـد روحـي
سعادتي في شوفـتك حلـم الأحـلام
وشعـري وأحاسيس المحبـه وبـوحي
إن قلت لي كل عام أنا اقول الأعـوام
بدون شوفك هي سبايـب جروحـي
هنيت فيك العـيد مـن فرحته قـام
وهليت فيـه وجـاك عطـرٍ يفـوحي
انـت المهـم ومن مـلا قلبي أهـيام
حبيت أهنيـك يا هـواي وطمـوحي
عيـد السنه عيـدين بحساب الأرقـام
وانـت الهـنا وأعياد عمري وروحـي

غرام أطفال
كلمات / أحمد الجوفي
ألحان / رابح صقر
غـرام أطفال جمعـنا وكـنا بشعور كبار
وفـا قلبي مثـل ماتوفي العشاق أو أكثر
أحب بجد ما ألعب مثل منهم في سني صغار
ولا أذكر قلبي لو مره معاها كذب وقصر
في ذاك الوقت ما أكتب ولكن أحفظ لشعار
عشان اعجابها فيني يزيـد ويصبح الأكبر
حفظت لخالد الفيصل قصيدة يا غريب الدار
وديوان البدر كلـه عشان أتعلم وأبحـر
بنيت لحـبها قصـر ٍ عظيم وعالي الأسوار
ولا فكرته بيوم ٍ على ذا الحـب يدمـر
غرام ٍ كنت له شاري وبـاع بآخر المشوار
أنا عقـب الغدر هـذا أنا وشلون ماتأثر
بكيت بيـوم فرقاها تقـل بين الحنايا نـار
وكني فاقـد الدنـيا ولاني قـادر أتصبر
أبتأسف أنـا لقلبي عسـى يتقبل الأعـذار
لأني صدق ذليتـه وعذري حيـل متأخر

غلطه
كلمات / فيصل اليامي
ألحان / رابح صقر
غلطه وحده ولا يهمـك واعتبرني ما أحـس
انت قلبك دوم يغلط جت على هذي وبس
ما في داعي لاعتذارك هذا جرحي وفك بابـه
يكفي إني من عذابك صارت اجروحي تشابه
تغلط ابحقي وأسامح وإنـت ماهمك رضـاي
إغلـط أكثـر لا يهمـك المهم تبقى معاي
مدري أخطيت بشعوري ولا أنا أخطيت أبغلاك
دلعك قلبي ش سـوي ما يـبي إلا رضـاك

كل الأمور
كلمات / عبد الله أبو دله
ألحان / غــــالي
كــل الأمـور بخـير ما دام إنـت ابـخـير
ياللـي معـك بدنيـتي ما شـفـت إلا الخـير

معـاك شفـت الهـنـا وانسيـت أيـام العـنا
اللـه يا حظـك بحـبي وفيـك يا حظـي أنـا

إختارك القلـب وهـواك وما يعجبه أحدن سـواك
إنت أغلى من روحي علي وإنت أغلى من هذا وذاك

في قربـك الأيـام عـيد والشوق لك دايم يزيـد
وغـلاك لو هـو ينتـهي برجع أحبك من جديـد

لا تحسب
كلمات / واحد
ألحان / ياسر أبوعلي
لا تحسب إنـي يـوم تبعـد أبرجيك
إن جيتني حيـاك وإن رحـت عـادي
ما تفرق أصـلا ً لـو يجيبون طـاريك
ولا اسمعـك لو صـرت جنبي تـنادي
خلاص ما أحبـك ولا عـدت مغليك
مسكين لـو فكرت تسكـن فـؤادي
مجنون لـو علقت نفـسي أنـا فيـك
مـابي محبـت مـن يـدور بعـادي
يامـا زعلـت وكنـت دايم أراضيك
أجيـك وأكسـر عـزتي مـع عنادي
إبعـد وتلـقى حـب ثـاني يسليك
هـذا جزا من كـان بالصـد بـادي

ما عاش
كلمات / منصور الشادي
لحن / رابح صقر
ما عاش والله من يفكر يزعلك
ما جابته للحين يا عمري أمــه
من عاملك بلطف لازم يعاملك
ومع كل كلام يحسبه كلمه بكلمه
مفروض يحمد ربه اللي يقابلك
سمـه غرور اللي تسميه سمــه
إن قلت كامل الله اللي مكملك
الزين يا إنت أخوه يا ولد عمـه
كلن يبي قربك ولحدن بطايلك
الورد ما كل من يشوفه يشمـه
غصبن عليه اللي يعرفك يدللك
وإن كان ما دللك ما عنده ذمه

هات لي
كلمات / عبدالله أبودله
لحن / سهــم
هات لي شي واحد .. واحد يحببني فيك
بعد اللي سويـته .. فيـني الله يهديك

أنـت ماخليـت للرجعـه عـــذر
وأنـا قلبي يامـا سامـح وإعـتـذر
أنـت قاسـي وماتحـس ومـن حجر
وماقدر أنسـى كلمتك لـي ما أبيـك

كنـت أحبـك حـب نساني الحـياه
لـين حـبي لـك وصـل في منتـهاه
لا تجيـني مـا بقالـك عنـدي شـي
لا انكسارك ولا دموعك تعـني شـي

يا رب
كلمات الأمير / فيصل بن خالد بن سلطان
ألحان / رابح صقر
يـارب قدرني على الحـب ورضـاه
ولا انحرم منـه علـى طـول يـارب
دامـه يـبي قـربي وانـا قربه أبغـاه
حبيبي اللـي همـه رضـاي والحـب
يكفي خذا عقلي وخـذا الروح ويـاه
يـوم التقـينا بـلا مواعيد بالـدرب
والقلب مـن كثـر الفرح فـز وحياه
نـبض الحياه اللي سكن داخل القلب
اذا الخـطا اقــول العيـب عـداه
واقـول ما يقـصد ولاكـان له ذنب
لو يبتعـد احـب بعـده ولا انـساه
وأبـقـى أفكـر به وبالمـره أتعـب
يفرح الى جـاني وأنـا أفـرح بلقياه
وأذكـر بدايتـنا أنـا كنـت معجب
لـولاه ما عشـت الهـنا يـوم لولاه
مـن جـد حبيته وعـن جـد ينحب

يا هلي
كلمات / بدر المليحي
ألحان / فـلكلور
يا هلـي مشتـاق للصاحـب الغـالي
غـايـبنٍ عــني ومشتـاق لعـلومه
ساكـن بقلـبي ودايـم علـى بـالي
هو حبيبي وجعـل يومـي قبل يومـه
قالـو اللـي مالـه أول مالـه تـالي
والقمـر لا غـاب ما تعـوض انجومه
أكـذب ان قلـت إني في غيبته سـالي
حـتى عيني مـن هـنا النـوم محرومه
لا تـلـومـني اذا زاد غـربـالـي
مـن درى عـن حالـتي قـال مالومه
غـالي ٍ حاضر ولا غـاب هـو غالي
هـو بكوم وكـل هالناس في كومـه

الله يعطيك العافيه على المجهود

الرائع والمميز


وفي انتظار جديدك

كيبل سنتر